Wulět na krajnu zahrodnisku přehladku do Torgau

Njedźelu, 28. awgusta 2022, podachmy so z busom na krajnu zahrodnisku přehladku do Torgau. Dojěwši, dachmy sej najprjedy raz słódny wobjed zesłodźeć. Potom přidruži so nam přewodnica, kiž nas přez přehladku wjedźeše. Překwapjenka bě, jako zetkachmy z němskeho rańšeho rozhłosa znateho moderatora MDR Silvia Zschage. Wón wubědźuje so tam ze swojej koleginu Elenu Pelzer wo najrjeńšu powyšenu hrjadku. Jara zajimawe běše nimo rjadowniskeje stwy w zelenym a małeho zwěrjenca tež wulke suwadło. Jenož jedyn z nas so zmuži, so dele sunyć – a to bě Jürgen Njek. Za to je sej wězo aplaws zasłužił. Po swačinje podachmy so potom zaso na dompuć.

Krajna zahrodniska přehladka Torgau 2022 bě 9. krajna zahrodniska přehladka w Sakskej. Wona wotmě so wot 23. apryla hač do 9. oktobra 2022.